شهر بين أروقةِ المستشفى..

صبحكم/ مسّاكم الله بالخير ياجماعة الخير!

كيف حالكم أتمنى تكونوا بصحة وعافية جميعًا 

حبيت أكتب التدوينة دي عشان أوثّق وحدة من أجمل التجارب إللي مرّيت فيها دي الصيفية وهي تجربة التدريب الصيفي في مستشفى النور..

حقيقي في شهر شوال مرّيت بظروف صعبة ومؤلمة والحمدلله على جميع أقداره لكن من بين الأمور إللي خرّجتني من الأجواء السيئة دي كان التدريب الصيفي..

التدريب كان تجربة ممتعة أولًا لأنّي بدأت أتعرّف شوية على بيئة العمل ودوري كأخصائية علاج طبيعي في المستشفى.. ثانيًا بدأت أكتسب خبرة في التعامل مع المرضى وأتعلّمت بعض التقنيات العلاجية إللي أتعلمناها من الأخصائي المشرف علينا.. ثالثًا تغيير جو بدال طفش الإجازة 

برضه من الحاجات الجميلة كان إنّه إكتساب الخبرة في التعامل إللي ماكان بس من المرضى إللي بتتعامل معاهم شخصيًا لا حتى لمن تراقب زملائك وهمّ بيشتغلوا تشوف نقاط قوتهم وضعفهم وأخطائهم وهفواتهم.. ودا شيء طيب لأنّك بتشوفها وتحاول تتفاداها..

ومن الحاجات إللي نمّت وعززت فينا دي النقطة هي جلسة كنّا بنجلسها مع الأخصائي والمتدربات ونفضل نتناقش فيها عن الحالات إللي شفناها ونتكلّم عن كل متدربة وكيف كان تعاملها مع المريض وحالته.. دا الشيء فعلًا خلّاني أنتبه على أمور أنا ماكنت أنتبهلها أو حتى أطبقها..

-ليش ركّزت على نقطة التعامل؟ لأنّه نحن كأخصائيات حنقابل المريض لفترات طويييلة ويهمّنا نعرف كيف نتعامل معاهم بطريقة صحيحة وسليمة حتى نكسب ثقتهم ونساعدهم ويساعدونا في عملية العلاج بعد إذن الله-

الجدير بالذكر إنّي أشتغلت وطبّقت في قسم الحروق والعناية المركّزة وتنويم العظام وبرضه سمحتلي الفرصة إنّي أعالج حالة إصابات ملاعب - ودا كان أحلى شي بالنسبالي - كل قسم وكل مريض أو أغلب المرضى إللي قابلتهم أضافولي حاجة جديدة وغيّروا من طريقة تفكيري وتعاملي مع الأمور وبرضه ما أنسى إنّي عرفت إنّه فعلًا التطبيق مختلف عن كلام الكتب..

أشياء ومواقف كتيرة حصلت في شهر أغسطس صعب نحصرها في تدوينة واحدة لكن فعلًا تجربة التدريب الصيفي كانت من أمتع التجارب في حياتي اللي أتمنيت لو إنّها طالت أكثر وأستمرّت لفترة أطول..

كونك تتعرف على دورك في المستشفى وتشوف تأثيرك للمرضى دا شيء حقيقي جميل ويعطيك دفعة إيجابية عشان تتقدّم للأمام دايمًا وتحاول ترتقي بتخصصك للأعلى 

شكرًا لحسن الإستماع ونلقاكُم 

سنة ونصف علاج طبيعي

يالله من زمان ماكتبت هينا!

خير مانبدأ به الكلام الصلاة على خير الأنام.

حبيت أبدأ أرجع أدوّن من تاني وأحاول أرجع نشيطة في عالم التدوين لعلّ وعسى غيري يستفيد من تجاربي وحكاياتي.

الحمدلله أنتهيت بنهاية هذا الترم من سنة ونصف من تخصص العلاج الطبيعي، التخصص إللي كنت أحلم فيه من أنا في أولى ثانوي! *التدوينة كتبتها في إجازة مابين الترمين ودوبني أنشرها xD*

ليش كنت راغبة في هذا التخصص من البداية؟

من أنا صغيرة كان عندي قناعة إنّه الرياضة هي شفاء لكل شيء. ألام حسيّة أو جسديّة سوي رياضة وإنت حترتاح بإذن الله!

هذا الكلام كان نظرتي قبل سبعة سنين يمكن ولازالت هذه نظرتي للرياضة.

لكن بتقدّمي في العمر كبرت وكبر شغفي في هذا المجال "مجال التمارين الرياضية".

ولأنّي أبغا أدرس شغفي وميولي فقررت إنّه وجهتي لازم تكون العلاج الطبيعي!

ربّما تكون هذه نظرة سطحية لهذا التخصص العظيم والكبير لكن أعتبروها نظرة شخص بدأ يأخذ أول خطواته في هذا المجال.

الحمدلله بتياسير ربّنا وسهالات أنقبلت علاج طبيعي ومحد كان يتخيل مشاعر الفرح والحبور إللي كانت تغمرني كل يوم في الصباح أول ما أصحى من النوم قبل ما أروح الدوام ❤

 كُنت مُستمتعة أشدّ الإستمتاع بمحاضراتي والكلام المُفيد إللي جالسة أسمعه. غير إنّي كُنت أخرج بكم سؤال يخليني أبحث وأتبّحر أكثر في هذا المجال فأكتشف عظمته وجمالُه كُلّ يوم!

هذا هو شعور إنّك تدرس تخصص تحبّه. هذا هو الشعور إللي الكل يتكلّم عنّه!

دايمًا يقولولنا "أدرس التخصص إللي إنت تحبّه مش التخصص إللي أبوك يبغاه"

لأنّه المشاعر تختلف، العطاء يختلف، كل شيء مختلف.

ممكن مو الكل أتوفق يدرس تخصص يحبّه، بس أنا ربّنا أنعم عليّ وبأدرس التخصص إللي فيه شغفي وميولي وروحي.

صحيح التخصص مش سهل أبدًا وفيه صعوبات كثيرة, لكن رغبتي في إثبات نفسي والتغلّب على كُلّ الصعوبات كانت أقوى من أي شيء.  وفعلًا قابلت صعوبات كثيرة أولها المصطلحات الطبيّة الجديدة الغريبة إللي كانت تقلب مخي فوق تحت, نهايةً بالمحاضرة إللي مدّتها ساعتين لكن كمية المعلومات فيها تكفيك سنة قدام .

الموضوع مو بالسهولة إللي دماغي كان متصورها الموضوع طلع أكبربكتيير مما كنت أتخيّل. لكن بالنسبالي دي ميزة من مميزات دراسة شيء تحبّه مهما قابلت مواد ومصطلحات صعبة وغلسة إنت دايمًا أقوى منّها ومستحيل تستسلم بسهولة.

فعلًا الحمدلله دائمًا وأبدًا لأنّه سخرلي التخصص ووفقني فيه وهذا أهم شيء.

أخيرًا كتبت التدوينة دي في الإجازة وماأعرف ليش بكتبها وبحكيها لكم

بس أشتهيت فعلًا أرجع أدوّن من تاني لأنّه فعلًا التدوين عالم ممتع.

دمتم بخير

تجربة في The Globe

بس قولولي كيف إستعدآدآتكُم للمدرسة ؟ خخخخخخخخ

أمزح أمزح :$

السلآمُ عليكُم و رحمةٌ آلله وبركآته .. 

إيش رآيكُم في آلمِدونه الجديده ؟ جيده صح :P

لحد يستغرب من الإسم يآجمآعة آلخير ترآ ليه مغزى مو صآحي xD

المهم (:

في يوم أمس آلجميل قررنآ ننزل جده و نروح للمكتبه نقضي من جرير و كدآ :)

عشآن نستنى جرير يفتح تنقلنآ بين ثلآثه أمآكن أبو شقره للفطور - لآجوي -  lajoie - والسلطان مول ;)

أبو شقره مكان جميل يقصد إزآ كآن بدكم تفطرو بس لو تتغدو ولاتتعشو ماينفعش خالص :$

ولآجوي جميل جدّاً شيء راقي و فخم .. لكن نوعية الزبائن ليست بذآك آلرُقي :(

أخيراً السلطان مول .. الذي كان يقبع بدآخله مقهى مجهول لم تصله سُفُن آلبحآرى بعد

<~ أندمجت خخخخخ

محل جميل جدا .. 

تصميمه على إنّه غآلبيته غرف .. للي يبغآ خصوصيه و كدآ . .

وفيه أمآكن مكشوفه عآدي .. 

تحس إنّو يدمج بين الثقافه المغربيه و البدوية و شيء من الإستقرآطيه

- أخر كلمه كُنت أبغآ أقولهآ من زماآن خخخخخخ

عجبني إستخدآمهُم لفن آلكولآج أيضاً .. :

مستخدمين علب آلكولآ :- 

أورآق جرآيد و مجلات - على آلطآولات و آلجدآر .. دآ في آلدور آلتآني .. : 

نكمل في آلدور آلتآني : 

اول ماتطلع على إيدك الشمآل حتشوف الجلسات دي : - 

أعتقد إنها مخصصه للعشآ : 

فيه جلسات أول ماتطلعو على يدكم آليمين . . بس مآقدرت أصورهآ لأني لحآلي وخفت شويه  خخخخخخخخخ

خلونا نمشي للرُكن آلبدوي أو المغربي حست واللهي خخخخخخ $:

نرجع للدور الأول .. 

أول ماتدخلو حتلاقو جلسات وكدا ماقدرت أصورهآ لأنّو كآن فيه بنات ومآقدرت ..

فيه النص .. حتلاقو شي زي آلسفينه :

جلسات عشا برضو :)

أخر شي صورتو وبعد كدا جوالي طفآ 

المحل إللي نحن كُنآ فيه : 

الأسعآر من كويسة لـِ غآلية نوعاً مآ :$

مآ حطيت آلتدوينه دي غير إعجاباً في آلديكوريشين حق المحل :P

مع إنو تصويري خآربهآ مزبووط خخخخخخخ

وكتيرين مآعرفوه وسألوني عنّو .. فـ قُلت أكسب فيكُم اجر xD

على فكره إحنآ رُحنآه في آلنهآر وكأن هدووء .. 

إذآ أحد جربو في آلليل يقولنآ آلتجربه .. xD




* عذراً على آلتصوير والتعديل :$
التصوير بـ جوآل و التعديل بآلرسام خخخخخخ
مافي فوتوشوب :"(

حينمآ يصبح آلجسد كرآسه !

السلآم عليكم و رحمة ُ الله و بركآتُه ..

صبآحكُم \ مسآئكُم .. مليء بـ رآئحة آلطُهر و آلنقآء .. 

آمممم .. أنتشرت من فترة مهي قصيره .. البنت أول مآتحُب تعمِل حركه رهييييبه

عشآن تبين لـ حبيبهـآ إنّهـآ تحُبّه \ آ ..

إلآ هي تمسك أقرب " مشرط \ قاروره مكسوره \ مقص .. أي ألة حاده "

وتبدأ ترسم على يدهـآ و سآقهـآ وكُل مكآن يخطر ببـآلك ! \:

ترآ مِنجِد فيه بنآت عليهم رسم إبــــــــدآع !

يعني مآتكتفي بـ تشخيط أو شخمطه ! لآ تكتب الإسم و إسم آلعائله الكريمه بعد ! \:

مضحك مبكي حآلنآ ..  !

 القهههر .. لمّن تقول " أبببد مآ أحِس بـ شيء .. لأنّي معصصبه كيف تبغوني أحِس ؟ "

يـــآهووو .. ! أجل مو حــآسه ؟! :|

إللي خلآني أكتُب دي التدوينه .. إنّو أختي الصغيره " أولى متوسط " !

عندهـآ صديقه بـ نفس العمر . . لكِن بـِ عقليه و دين متزعزعين  !

آلبنت دي الله يسلمكم .. عليهـآ إيد ولآ لوحآت بيكآسو صرآحه !!!

يآ جماعه ترآ لين اولى متوسط كنّآ نلعب شرعت .. مو نلعب بـآلمشرط ! :\

فين أهلهـآ عنّهـآ ؟! معقولهـ مآشآفو آللوحه آلمُبدعه إللي رسمتهـآ بنتهُم علي يدهـآ !

مستحيييل الأُم تكون غآفله عن بنتهـآ وهي في مرحله حسآسه كدآ :\

أختي تسألني .. آلبنت لمّن كدآ تسوي .. كيف تقدر تتوضأ و تصلي ؟!

تسسآؤلآت طفله ! مآدريت آلبنت إللي تسوي كدآ .. مستحيل تكون تصلي من الأسسآس ! :\

مآ أحمّل آلمسؤليه آلمرآهقه أو الحبيب\ه ! 

أحمّل آلمسؤوليه الأهِل .. !

لو مو قدّ آلتربيه لآتجيبي طفله تكبر و تضييييع .. وتعيش حياة متخبطه . . مآتدري لمين تروح !

ترآ والله مو لازم تخلفي درزن بنات و ترميهم مدري فين !

..

للأسف أعرِف بنـآت كثير من دآخل و خآرِج مكّه حتى من نفس آلنوعيه دي .. 

كُل مآتطفش من دنيتهـآ تبدأ ترسم في نفسهـآ .. !

أخيراً : رسآلة للـ مرآهقآت إللي مرمطتهم آلحيآة .. :

ترآ آلتشريط مو حل .. آلحلول كثييره لكِن إنتِ أخترتِ الأشدّ حرمة !

وترآ لو بدّك ترسمي قدّ كدآ عشآن تخرجي آلكبت .. آلكرآريس رخيييصه في آلمكتبآت :\

وآللهـ يبعد عننآ و عنّكم أولآد و بنـآت َ آلحررآم  يآرب ..

تدوينه مدري إيش تحس .. بس حسيت الشيء دآ بدأ ينتشر بـِ شدّه !! :(

مـآهي مطالب المرأه السعوديه ؟!

السلام عليكم ورحمة الله و بركاته ..

أسعد الله صباحكم \ مسآئكم  , بكل خير :)

أثناء تجوالي في تويتر , لفتني مقطع فيديو وضعه أحد الإخوه المتوترين ..

وهو يتحدث عن " ثورة النساء في السعوديه " 

http://www.youtube.com/watch?v=K_UuxcfGNrk

في واقع الأمر .. أنـآ مؤيده لمـآ تقوله هذه المرأه :)

أنـآ لست علمانيه ولا لبراليه .. ولا أؤيد حركات المظاهره .. بل أنا ضدها تماماً 

لكني مع وجود بعض الحقوق للمرأه !

دعوني أتحدث عن بعض الغرائب التي رأيتها في الأونه الأخيره :

نبدأ بـالخبر السعيد : أفتتآح نآدٍ جديد في المستشفى الفلاني ..

واو ! شيء يدعو للتفاؤل صحيح ؟!

لاتتهورن ودعوني أريكن بعض قوانين النادي الجديد ..

* الضحك ممنوع ..

* الجوالات كاميرا \ دون كاميرا ممنوعه ..

* بلوزه لين الركبه ..

* الكلآم بالهمس , ويمنع رفع الصوت منعاً باااتاً ..

* الملابس ذا الألوان الزاهيه ممنوعه ..

* لو سمحتي تراكِ داخله تحاربي مو داخله نادي ..

<~ أخر نقطه , إحدى العاملات أخبرتني بهآ .. :)

واو ! قوانين رائعه جداً ..

دعوني لا أتدخل في الأسعار الفلكيه الموضوعه ..  لأنها بحق تدوينه أخرى ..

أحياناً كنت أذهب وأنـآ أعتقد بأنني ذاهبه لهلاكي ..

تنتقدين لأقل إبتسآمه , تنتقدين لعبائتك , لمشيتك , لثيآبك ..

مديرة النادي تقف لك بالمرصاااد .. حازمه جدّاً !

لا ألومها ! فـ أقل خطأ منهاـآ , قد يتسبب في إغلاق لقمة عيشها !

فـ جميع هذه القوانين لم توضع إلا لراحة الرجال :)

ثانياً : تعطيل جميع المشاريع حتى موافقة ولي الأمر ..


أذكر أنّ إحدى صديقاتي .. كان لديها مشروع جميل لا أتذكر ماهو بالظبط
لكن .. صديقتي فوجئت بالشروط التعجيييزيه ..
التي على رأسهـآ " موافقة ولي الأمر " وحتى بعد موافقة ولي الأمر
صودفت بورقة اخرى لها شروط تعجيزيه أكثر من سابقتها :)
وكـآن هذه المرأه لاشيء بدون وليِّ أمرهاآ


...


وأذكر بأنّ إحدى صديقاتي " قد توفي والدها رحمه الله "
كـآنت تبكي في كل مرةٍ تطلب منها إدارة المدرسه أو إدارة أي دائره حكوميه
موافقة و توقيع ولي الأمر ! وكانت هي وحيدة والديهآ ..
جرحٌ عميقٌ و زعزعه للثقه قد أصابتهآ للأسف :(


حقاً .. بعض النساء لاشيء بدونِ أولياءِ أمورهن :)

ثالثاً .. : قيادة السياره و ااااه من قيادة السياره 

حقاً .. ! الموضوع الذي يناقش منذ سنيييييين . . و للان لم نجد الحل الوسط له ..

اعترف .. أنني ضدّ هذا الموضوع و معه !

ضده فقط سد لباب المصائب التي ستحدث بمجرد قيادة المرأه للسيـآره ..

ومعه لأسبآب لاتعد ولاتحصى ..

في أخر المقطع تحدثت المرأه عن الأطفال الذين يستخدمون السيارات بدون أي داعٍ فقط لـ " اللفلفه " و غيره :)

للأسف إنني رأيت مثل هذه المشاهد أمام عيني .. وصعقت ., بل أنّ أبي نفسه صعق من منظر ذلك الطفل

الذي يستخدم تلك الحديده المتحركه ! :\

قد لآ ابالغ إن قلت لكم بأنّ الطفل لم يتجاوز الإبتدائيه أو اولى متوسط كحد أكثر .. طفل بكل ماتعنيه الكلمه !

بل لآ أعلم كيف لوالدته أن تتركه يقود شيئاً تصل أضعااااف حجمه !

يـآ إخوه إنّ قيادة السيارة ليست موضوع ديني بقدرِ ماهي موضوع عاادات و تقاليد !

ألم ! ألم ! ألم .. أن تصل العالم لمثلِ هذه التطورات التي نشهدها ..

ونحنُ لازلناآ نتناقش و نتحارب بشأنِ موضوع تافه كهذاآ !

لايوجد إمرأه سعوديه لم تعاني من هذه المشكله !

كما يعاني الرجل السعودي من " ممنوع دخول العزاب " تعاني المرأه من " ممنوع القياده للنساء " !

ولايأتي رجل \ إمرأه , تتفلسف و تخبرني بـأنّ القياده من أسباب التبرج و السفور ..

التبرج حاصل في مجتمعنـآ بقياده أو بدون .. فقط جربي أن تتبضعي في السوق و سترين مآ أعنيه :)

أخيراً : المرأه المطلقه \ الغير متزوجه ..

فقط يكفي الألقاب التي تطلق عليها " إمرأه مطلقه \ إمرأه عانس "

ويكفي بأن هؤلاءِ النسآء يبقين معلقات حتى يحينّ أجلهن إما بزواج أو بشيءٍ أخر ..

لا اعلم السر في إحتقار المجتمع لهاتين الفأتينِ من النساء ..

ولا أعلم سبب الكلام و الطعن في الطهر الذي يحصل لهاتين الفأتين ..

وكأنهنّ خآرجآت من المله بسبب توقف حالهن ..

منذُ الطفوله و قد ترعرعنا على جملة " المرأه السعوديه ملكه "

نعم ملكة في دينهاآ , لكن ليس في مجتمعنـآآ ..

يجدر بكم الإعترآف بأنكم تأخذون من دينكم مآيروق لكم ..

وتتركون مايتنافى مع مصالحكم ! هذا هو دينكم أنتم :)

شرحت بعضاً من القصص التي تحدث حولي , التي أبين فيهآ بـأننا حقاً دفنّآ كمآ كآنت الأطفال يدفنّ في الجاهليه ..

و أنـآ لست من المطالبين بالمساواة " وليس الذكرُ كالأُنثى " 

لكنّي فقط أطالب بأن يكون للمرأه كيان منفصل عن الرجل :)

يـآمرحبمبك بآبو متعب :)

السلأآم عليكم و رحمة الله و بركاته

صباحكم \ مسآئكم ,.. حب وإخلاآص لأحلى و أحن وطن في الدنيآآ ..

تغطيه لبعض الحاجات المهمه إللي شفناها في جده اليوم ..

والإحتفالات اللي سآرت بمناآسبة رجعة الملك

من الأشيآء إللي لفتتني

الشبآب إللي بيرقصو فوق الشاحنه الكبييره دي :

http://www.youtube.com/watch?v=HTF3yh6BvL0

ودا الأخ شكلو نصراوي ما ادري ليش ..

دحين تشوفو السبب D:

http://www.youtube.com/watch?v=ZgFWz8vX7qY

الهندي الخطير داآ إللي حسسني إنو حاسس يآ بإنتمآء للوطن يآ إنو هو التاآني مكبوت زيناآ :

http://www.youtube.com/watch?v=kKr9YdrGE0I

الدببه تهنئ الملك على عودته وتتمنى له طولة العمر :|

لسه ماخرفت :$ شوفو الفيديو و ازحكو P:

http://www.youtube.com/watch?v=gi9DF2Y7XJU

اولاآد بيلعبو على السكيت :

http://www.youtube.com/watch?v=yawvblN1Ctc

حاسه إني ناسيه فيديو :\

أخيـِـِـِـِـراً .. فيه فيديوهات كتيره بس اخترت دي عشانها الأقصر ..

وعذراً على الجوده المنخفضه .. بس صورنا من بعيد لبعيد :$

والحمد لله على سلامة أبو متعب ..

الدِينُ مُعامله !

المشهد الأول :

يآبنت إنتِ غطي وجهك طبقتين مافي أحد كدا يغطي وجهه :@ 

ماتستحي إنتي أهلك مآ ربوكِ و ماعلموكِ كيف تغطي وجهك !؟ :@

المشهد الثاني :

حبيبي يسعدك ربي , ماشا الله عليكِ حلوه و حرام تغطي بغطوه خفيفه كدا

تعالي أعلمك كيف تغطي طبقتين عشان ربنا يحبك ؟!

الله يسعدك يآرب .. =)

...

مشاهد من الواآقع , مشهدين حصلي في مدرستي المتوسطه قبل سنه ..

معلمتين , نفس الديانه , يدرسو نفس الماده , متواجدات لنفس المهمه !

متشابهات في كل شيء تقريباً , لكن الفرق في التعاامل !

طيب أشرح لكم موقفي في الحالتين ؟!

المشهد الأول : من هينا راحت الأبله من هينا رجعت غطوتي زي ماكانت 

وجوتي مية دعوة و مية تحسيبه عليهآ ! 

لأنو منجد خلت نفسها فرجه للرجال في الشآرع و كأنو مافي أحد يلمهاآ -.-

..

المشهد الثاني : حاضر يآ أبلتي تسلمي لي , وإن شا الله أغطي دايماً كدا ..

ومنجد الموقف دا أتمنيت إني أعرف أغطي طبقتين عشان الناس الطيبه إللي زيهآ ..

..

داييييماً ., لاتسمعو أغآني .. لاتطالعو في الرجال .. لا و لا و لا !

لاحظو عمرنا ماقلناآ .. لآ ترفعو صوتكم على الكبير , لا تعلي صوتك في الشارع , لا تهيني قدر الناس !

منجد طالعنا في السطحيات و نسينا إنو الدين ., أخلاق , معامله , إبتسامه 

نسيناآ كيف كان أسلوب النصيحه عند الرسول عليه السلاآم ..

تجي وحده تبغآ تنصحك ., ترسلك رابط صور ناس ميته و مقطعه و تقولك دي أخرتك إذآ ماتبتي لله  !

سبحان الله بدل ما ترغبك تنفرك ! 

أحبتي , أنصحو ,, أمرو بالمعروف و أنهو عن المنكر  لكن بـــأ ســـلـــوب !

ليش ماننصح بإبتسامه , ليش مانستخدم كلمات تلطف الجو ؟!

ليش دايماً لمّن يجيني أحد ينصحني يكون مكشر و شويه و يلطشني لو ماسمعت كلامو ؟!

طبعاً سلامة الطيبين ,, فيه ناس تجي تنصح يجيكِ تقومي تسلمي على راسها من كلامهم الحلو ..

يعني منجد دولا الناس الواحد يتممنى إنو مايقومو من جمبو من كتر ماكلامهم حلو ,,

والناس الحلوين دي واحد في الميه للأسف !

أحبتي ... خلونا ماناخد الدين من طرف و نسيب بآقي الأطرآف ..

خلونا دائماً بشوشين و نبتسم في وجيه الكل ..

خلو دائماً كلامكم معسول و لاتنسو " إنّ من البيآنِ لسِحراً " !

ولاتنسو دايماً تصاحبو الأنآس الطيبه الخيرّه إللي أسلوبها عسل عشان ناخد منّهم الأسلوب ..

الله يهديني و يهدي جميييع المسلمين و المسلمآت يآرب ..

أعذروني لو طولت ..

محبتكم : آلشهد =)